ქალთა საერთაშორისო ქსელიქალთა საერთაშორისო ქსელი (WIN) ახორციელებს პროექტს "ყველაფერი შენ შესახებ", რომლის ფინანსური მხარდამჭერია ქალთა ფონდი საქართველოში. პროექტზე მეტი ინფორმაციისთვის ეწვიეთ ჩვენს გვერდს: www.allaboutyou.ge
პროექტის ფარგლებში, 2017 წლის 8-10 დეკემბერს, გაიმართება ტრეინინგი მასწავლებლებისთვის, რომლის მიზანია სექსუალური განათლების შესახებ ცნობიერების ამაღლება, ადვოკატირების გეგმის შემუშავება და რესურსების გაზიარება.
ტრეინინგის განმავლობაში განხილული იქნება შემდეგი საკითხები:
- რას მოიცავს პროექტი “ყველაფერი შენ შესახებ” და როგორ შეიძლება მასწავლებლებისა და მოსწავლეების ჩართულობის გაზრდა?
- რა არის ყოვლისმომცველი სექსუალური განათლება?
- რა მითები და სტერეოტიპები არსებობს საკითხის გარშემო და როგორ დავძლიოთ ისინი?
- როგორ შეუძლიათ მასწავლებლებს ჩაერთონ სექსუალური განათლების ადვოკატირების გეგმაში?
- რა გამოწვევები არსებობს დღეს სექსუალურ განათლებაში?
- რა სახის გამოცდილება არსებობს სექსუალური განათლების კუთხით სხვა ქვეყნებში?
ტრეინინგი გაიმართება ქალაქ თელავში. გთხოვთ გაითვალისწინოთ, რომ დასწრება სავალდებულოა ტრეინინგის სამივე დღეს, მონაწილეები უნდა ჩამოვიდნენ ტრეინინგის ადგილას, 8 დეკემბერს, 16:00 საათზე და დატოვონ სასტუმრო 10 დეკემბერს, 16:00 საათზე.
ტრეინინგზე დასწრების სურვილის შემთხვევაში გთხოვთ, შეავსოთ სააპლიკაციო ფორმა ამ ბმულზე.
აპლიკაციის შევსების ბოლო ვადაა: 26 ნოემბერი.
შერჩეულ აპლიკანტებთან დაკავშირება მოხდება არაუგვიანეს 30 ნოემბრისა.
ტრენინგთან დაკავშირებული მგზავრობის, სასტუმროსა და კვების ხარჯები დაფარული იქნება პროექტის ფარგლებში.
დამატებითი კითხვების შემთხვევაში გთხოვთ, დაგვიკავშირდეთ:
Tel: +995599959020