ომედია ეძებს პროექტების მენეჯერს, რომელიც შეუერთდება კომპანიის დეველოპმენტის გუნდს და მონაწილეობას მიიღებს ვებ-პროექტების დაგეგმვაში, მართვასა და განხორციელებაში.
მოვალეობები:
- დაინტერესებული პარტნიორებისთვის კომერციული და ტექნიკური შეთავაზებების მომზადება, პრე-კომუნიკაცია.
- პროექტის ტექნიკური დავალების დაწერა, ამოცანების განსაზღვრა და კონსოლიდირება დამკვეთთან და ტექნიკურ ჯგუფთან ერთად.
- დამკვეთისთვის კონსულტაციის გაწევა პროექტის ფუნქციონალსა და დიზაინზე.
- არა-ტექნიკური პირების მიერ დასმული ამოცანების ტექნიკური ჯგუფისთვის მისაღებ ფორმატში კონვერტაცია.
- პროექტის მიმდინარეობის კონტროლი და დაინტერესებული მხარეების ინფორმირება.
- პროექტის დროულად და ხარისხიანად შესრულების უზრუნველყოფა.
სავალდებულო კვალიფიკაცია:
- ვებსაიტების პროექტების მართვასა და მსგავს პოზიციაზე მუშაობის მინიმუმ 2-წლიანი გამოცდილება.
- ვებსაიტების სამართავ ინტერფეისებთან მუშაობის გამოცდილება.
- UX-ის ძირითადი პრინციპების ცოდნა.
- ვებსაიტების აგებულების პრინციპების, სხვადასხვა server-side და client-side ტექნოლოგიების არსის ცოდნა.
- ტექნიკური ინგლისურის ფლობა წერით - კარგად და ზეპირად - საკომუნიკაციოდ მისაღებ დონეზე.
- ქართული ენის ფლობა იდეალურ დონეზე.
სამუშაო პირობები:
- ანაზღაურება 1500 ლარიდან, კვალიფიკაციის მიხედვით.
- კომფორტული ოფისი და მეგობრული გუნდი.
- ჯანმრთელობის დაზღვევა.
- გრაფიკი: ორშაბათი—პარასკევი, 11:00-დან 19:00 საათამდე.
დაინტერესების შემთხვევაში, გთხოვთ, CV და საკონტაქტო ინფორმაცია გამოაგზავნოთ მისამართზე [email protected] და წერილის სათაურში მიუთითოთ “ვებ პროექტების მენეჯერი”.